تخطي التنقل

181273_486308458105001_67174456_n

 

بعد 7 اشهر من وجودي بالجزائر شئت ام أبيت تحت اسم لاجئة هاي المدة الطويلة والموجعة ما قدرت تسمحلي اني اتحول لشخص نقاق يومي بيحكي عن تفاصيل الاختلاف بين الوطن والمنفى والبلاد الغريبة
هاد ما بيعني ابدا اني سعيدة ..
الموجع انو دايما التفاصيل الصغيرة بتسيطر علينا
من وين بينجاب الخيز كيف بدي اشتري خضرا لاطبخ الاكل تبعنا كيف بدي اتفاهم مع الناس وكيف الناس قابلين يعيشو بهي الظروف الاقل مستوى من الي تعودت عليه .. كل هي الملاحظات ما الها طعمة
برجع بين كل فترة وفترة بطلطل على المدونات القديمة الي كنت حبها وعلى الناس الي كانت ارائهن تعجبنني فيسبوكيا
وبحس انو الوضع مقرف ولا يحتمل ..
من اول موقف موجع صار معي هون حتى اخر موقف صار مبارح كلهن بيكونو تراكم وجع بالمرتبة الاولى بس الاهم انهن بيكونو تراكم خبرة وتراكم رؤى ..
كل هي الاوجاع والاكتر ألما بالخصوص بتودي لطريق واحد لنتيجة وحدة
انو عبثية الكوكب شي موجود وحفيفي
حفيفي لدرجة انو هو الحقيقة المطلقة
في كلمة جزائرية كتير مهمة هي اخطيك
من خطى يخطي
ومعناها ابتعد او تنحى
لما كنت عم اقرا المدونات وكيف كلها لسا عم تحكي بالسياسة ونظريات المؤامرة ما خطر عبالي غير هي الكلمة
اخطيك
اخطيك من كل هاي التفاصيل شوف الحفيفة وحولها لفن
الفن بيقدر يستوعب كل شي
شوف اشيا تانية كيف مثلا اللغة بتخلق كلمات مرعبة ما كنت بتعرفها
كيف انو موقف بذكرك باللجوء قادر يتحول لفيلم كوميدي
وانو المطر المقرف والبارد الي بيحممك فجأة وانت بمكان ما بتعرفو وبردان وماعندك حدا تتصل فيه هو تجربة لتبكي
بس هو كمان تجربة لتوصل بالنهاية ع مكانك وتصنع لوحة او تكتب نص مقدس ما طلع مع محمد
سوريا كانت مليانة حياة ثقافية ومثقفين .. وينكن وين الفن الي صرعتونا فيه
اول الثورة هلكتونا بوسترات وصور وهلا وينكن .رجعتو للتنظير السياسي لانو اسهل من انك تشوف حفيفة هاد الوجع الي عايش فيه
حفيفة انو كل شي بلا طعمة وكل جهدك الصحفي هو كمان بلا طعمة وجهدك الاجتماعي هو اقل من بلا طعمة
وانو علاقتك مع حبيبتك الي هي ببلد بعيد عنك بكل معنى الكلمة صارت شي مبهم بس ما بدك تعترف فيه
لانك متمسك بأيا تفصيل صغير لتنسى ولتغطي عيونك
قوم بلا نق حب من جديد اتعرف ع تفاصيل عبثية ما كنت بتعرفها شوفها من منطق الوجع بنفس الوقت من منطق السخرية
جمع كل التناقضات الي قدرت تجمعها وحطها قدامك وضحاك عليها
بعدين ابكي مو مهم
المهم تشوفها
شوفها كلها لتقدر تعيش بالغربة وبالوطن واحد
هاي اول تناقض

Advertisements

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار وردبرس.كوم

أنت تعلق بإستخدام حساب WordPress.com. تسجيل خروج   /  تغيير )

Google+ photo

أنت تعلق بإستخدام حساب Google+. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

w

Connecting to %s

%d مدونون معجبون بهذه: