تخطي التنقل

 كان نفسي احس بس انو سناني نضاف
او اني مش بحاجة لدوش
الاسئلة الصغيرة الي بتبلش بأول ساعات بتتحول لألغاز كبيرة وصعبة
الغرفة اصغر مما بعرف
كان في حشرات رطوبة غريبة والفرشة كتير وسخة
الحيطان مليانة عفونة سودا واسماء ع الحيطان
ضليت اكتر من 8 ساعات عم حاول ما فوت ع التواليت
احساس الغربة والخيبة كان قوي
تذكرت اكتر من صديق كانو يضلو يقولو هاد زمن عرصات
ضحكت .. وبنفس الثانية بكيت
اصابع رجلي عم يوجعوني , شلحت بوطي
الي 3 ايام بنفس الاواعي بنفس الجرابات وبدون اي شي تاني ولا حتى موبايل
كل شي كان مقيت , كرهت اخر 3 اشهر وكل التفاصيل الي وصلتني لهاد المكان
صرت فكر اني ماعدت عارفة وين بتنتهي الضروريات ووين بتبلش الكماليات
كان وجع اصابعي وضهري ورقبتي وكتافي مبرح
لاحظت انو جراباتي ممكن يكون الهن ريحة  قوية
واني لما تعلمت اشتقلا ضيعت كتير اشيا وضيعت بوصلة كتير اشيا كمان
بلحظة كان عندي استعداد ابول على الارض المكان كان سيء وكان يوحيلي انو هاد الشي ممكن
سالت حالي انو وين بنبلش نتعرف على حالنا منيح , على روحنا الحقيقة العارية من كل التفاصيل التانية
مابعرف بس بعرف كتير منيح انو هاي المواقف مابتقدر تعمل جواتي غير ذكريات بتخري ..
كان عندي ثقة اني بس بدي مكان استقر فيه
اقدر حط الكميرا بامان وفرفد غراضي متل ما بحب بدون ماخاف ينسرق شي او يضيع
كنت موجوعة
كأنو في سكين برقبتي ومش قادرة ابلع نفسي لانو ممكن يجرحني اكتر
حاولت فكر بالشام بالمخيم وسكانو و بحمص تحت الكيماوي ,
يمكن تكون انانية استخدم وجع الشام لغطي وجعي بس ماقدرت
كان برد, اول مرة بتكون العاصمة هلقد برد
فكرت بماما  بالصحرا وتمنيت تكون لابسة منيح , صليت للطبيعة مايكون برد او تكون لابسة منيح وعم تشوف برنامج لذيذ وهي حد الصوبيا وماتفكر فينا وتنام منيح ..
فكرت كمان قديه بدي وقت لحتى اقدر اغمر اصحابي الي اشتقتلن كتير
كان عندي شعور قوي انو هاي الخيبة وهاد الوجع مش هو الاسوأ
السخرية انو هاي الليلة كانت بتكمل تماما ال3 الشهر بالجزائر
و بعدين بلحظة حسيت كل شي حوالي حميمي وكان عندي كتير قرارات متل اني لازم اتمدد ع الفرشة واحاول انام
حركت اصابعي حاولت ادفيهن , دفيت شوي .. تكورت على حالي وغمضت عيوني .. بس ماغفيت ..
26 – 12 – 2012

هاد الحكي انكتب بليلة قاسية بس حقيقية  كتبتها مرة وحدة وماقدرت ارجع عيد صياغتها ولا بطريقة غير الي انكتبت فيها ..

Advertisements

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار وردبرس.كوم

أنت تعلق بإستخدام حساب WordPress.com. تسجيل خروج   /  تغيير )

Google+ photo

أنت تعلق بإستخدام حساب Google+. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

w

Connecting to %s

%d مدونون معجبون بهذه: