من البلكون
الي اسبوع بالسكن الجامعي واليوم بس لحتى قدرت شوف انو البلكون بطل على حقول كبيرة
وانو الشمس بتشرق من هي الجهة تحديدا ..واذا بمد راسي للشمال بشوف البحر..
دايما كنت شوف زيرالدة بالعتمة , لما بفيق 6 ع المدرسة ولما برجع 6 المسا ع السكن ,
ومع هالشي لساتني مصرة انو الجبل والصحرا ببوسعادة هن اجمل بكتير ..
الجزائر العاصمة متعبة بطريقة بتخوف , مُنهكة جسديا ..
لما بفكر انو عندي التزام لخمس سنين بهاد المكان بحس حالي عم اختنق
كنت مفكرة اني بكمل اعلام سنتين بكون لاقيت خيارات افضل واوسع او ع الاقل رجعت لسوريا ولو زيارات صغيرة,
الناس هون متل كل الجزائر لطيفين وكرما بس بيروقراطية الدولة بتلعن سمانا بكل الطرق
اول يوم بالسكن كان لطيف كتير بعد نهار متعب جدا
البنات كتير حبابين ولانو ماكان معي غراضي حاولو ما ينقصني شي بدون ما اطلب
المشكلة انو كان صعب يفهمو انو فيني نام بلا مخدة مش ضروري يعتذرو بطريقة بتخجل
وانو فيني اتعشى سيجارة ونام او ما اتعشى بالمرة
وانو لما احكيلهن مش مشكلة بيكون فعلا مش مشكلة ومش خجلانة او بمزح
مابيعرفو شي عن الشام ولا عندن فكرة عن ايا شي عم يصير وكنت مبسوطة انو اول مرة ماحدا عم يسالني او عم يطلب شرح لانو كل مرة بتشرح فيها للناس قصة الثورة وكيف صارت اكل خرا بتحس انك عم تتخوزق عن كل وجع الشام ووجع الجزائر وبيروت ودبي وكل الاماكن الي فيها ناس انسرقت عوالمهن
بالمناسبة اول يوم بس نمت بلا مخدة تاني يوم دبرولي وحدة
يورغو .. 
One Comment
: )