تخطي التنقل

 

عطش

عطش

مش عارفة تماما شو اللهجة الي هلأ صرت بحكيها ..
اكتشفت اليوم اني نسيت طعمة الخبز السوري, عنجد مش انو بمزح او بعمل دلالات لشي تاني  .. نسيتو.
عشر ايام بس  .. كانوا موجعين جدا متل قرصة البعوض الصحراوي  ,
وانو كل نهار بيمرق .. بكل العجقة والضجة والكرم والمحبة والبخل, كل الاشيا بتمرق كانها شي يومي من زمان ..
رغد رح تسألني عن الصحرا .. رح اقولك في جبل حلو, وفي نبتة شوكية جميلة طالعة بكل مكان وبعرفش اكتر من هيك حتى الصور ما بتعرف ,
يمكن انا كنت بنتمي لهون بشي حياة من قبل , يمكن لا إختياري انا انتميت لكل مكان بيشبه الصحرا والعطش, وبصاب بالمنفى بنقطة الندى الاخيرة الموجودة بعيون الي تركتن خلفي ..
الجزائر مليانة مي وحياة  ومليانة.. عطش .
مع الكرم الكتير والمحبة الكبيرة هون بتصير الخواتم بأصابعي مزعجة وبتخنق, بيصير شعري ينغرز برقبتي, بيصيرو عيوني بدون الكحلة سود ,  وبتصير الأرض صغيرة كتير بقدر بخطوة وحدة اوصل عالمخيم ابوسكن وارجع..
الناس كتير لطيفين , وكتير مؤلمين بهاد اللطف
وفورا بتعرف القواعد الاساسية ..  انو الحرية العرجا بالشام كانت منفى , وبوابات الحرية هون بتودي للصحرا ..
اكتر شي بوجع اني بشتاق لحريتي معكن , والي بعرفو كتير منيح انو هي ما بتتكرر..

2 Comments

  1. يعني الأبجدية مليانة حروف و انا عم اقرأ خطرلي كتير اجوية رد عليكي فيها
    اتركلك تعليق حلو متل المشاعر يلي تركتيها و كلام مو حلو كمان متل المشاعر يلي حسيتها بس خلصت قراءة ما عاد لقيت شي وما عاد عرفت كيف اكتبلك و شو أحكي ….. ❤ 🙂 بس من جهتي وصلت البوسة لعندي .. ^_^

    • Ghosto DzNet
    • Posted أكتوبر 21, 2012 at 9:56 ص
    • Permalink
    • رد

    very poor


اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار وردبرس.كوم

أنت تعلق بإستخدام حساب WordPress.com. تسجيل خروج   /  تغيير )

Google+ photo

أنت تعلق بإستخدام حساب Google+. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s

%d مدونون معجبون بهذه: