تخطي التنقل


بفيق من النوم وبعدني منهكة وبلاقي حالي بعدني بالجينز, من سنين ماعملت هالعملة وحتى الشال الي ماقدر يحميني من البرد كان لسااتو على رقبتي .. مش متذكرة شو صار منيح .. بتذكر اني كنت كتير بردانة وانو قطع الكهربا كان محول طرقات المخيم لمكان موحش ومهجور.. بتذكر اني بكيت كتير وكان معي محرمة بس فضلت امسح دموعي بكمي .. ماكنت امسحها قد ماكنت عم خبيها بانسجتي
بتذكر لقطات من صوت ام كلتوم .. و يمكن حديث وقح مع رفيقة عن العلاقات
بلحظات حسيت جسمي شي صغير وضعيف . كنت بالباص , كان الهوا عم بفوت جسمي بيعمل دورة جواتي بياخد كل الدفا وبيطلع, رفعت ركبتي لعند قلبي وشديت منعت كل الاصوات توصللي لما مسكت راسي بايدي وخبيتو غمضت عيوني وسكرت داني , بعرف انو ماعندي صوت وبعرف انو الجرح الي شاقق ضهري بالطول كان هو السبب انو الناس عم تطلع عليي
شلحت خواتمي السبعة واحد واحد مابتذكر وين رميتن .. بتذكر اني انمغصت.. وفجأة دفيت ..حسيت بدفا .. حسيت الشمس اخيرا صار الها ريحة .. مش متذكرة وجوه بتذكر اجرين .. بواط قديمة وكعوب عالية كلما افتح عيوني وشوفها كنت ارجع غمضن بعصبية .
هلا مرتاحة في عين تسكرت على طول لزقت جفوني ببعضها .. والتانية نعسانة
مش حاسة بجسمي .. بس روحي لسا موجوعة ..

Advertisements

One Comment

  1. بوحي بوجعك لعل الجرح يندمل ويتوقف نزيف الروح
    جميل تدوينك يا صديقتي، رغم الغصة التي تسد حلقي عندما اقرأ ما تخطه اناملك. احكي لنا اكثر!


اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار وردبرس.كوم

أنت تعلق بإستخدام حساب WordPress.com. تسجيل خروج   /  تغيير )

Google+ photo

أنت تعلق بإستخدام حساب Google+. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

w

Connecting to %s

%d مدونون معجبون بهذه: