تخطي التنقل

مصطفى الحلاج

وانا عم حاول زبط المدونة وبحبش ع اشيا قديمة.. لقيت نص مكتوب ع عجلة وحتى محطوط بالمدونة بدون صورة ..

بحبو كتير هالنص ويمكن هي تالت مرة بس بقراه من لما كتبتو

بحب كتير لما تقرا ماما اشيائي وحس بدموعا وافقين ناطرين غمرة مني

ياريت فيي قول لماما انو انا مو بس بكتب اشيا بتبكيكي ..

هالنص مترخ بشهر خمسة السنة الماضية يعني تقريبا سنة كاملة .. وبهديك الفترة شوكانت الاشيا جميلة

مش قادرة حاول اكتب هلا شو صار وشو عم بصير بالمعاني الي حاملينا وبالمفردات الي بنموت كرمالا

والاشيا الي بتحرقنا كل يوم …

حبيبي.. بتعرف انو لسا عندي قدرة وطاقة حب عظيمة ! .. كل حبي الي انحرق برا كل مشاعري الي عم تنقتل رح ترجع تخلق وتكبر .. والخيبة الي لزقت فينا وبالناس رح ننساها .. كتير متاكدة من هالشي .. متاكدة انو شغفي بكل الاشيا الي كان الوضع ولساتو عم يحاول يدمرها هي ذاتا رح تضوي من جديد ..

هلا بكتشف انو الي كتبتو من سنة انعكس تماما .. هلا صرنا نهرب من خيباتنا الوطنية للحب .. دفا العيلة .. وحضنك ..

23-6-2011

…..

دائما هنا نعالج خيباتنا العاطفية باللجوء للوطن , بالالتفات لهموم أكبر مع المهتمين بالفواجع المبالغ بها .. لا أدري كم سيتحمل هذا الوطن من خيبات , كم سيتحمل ألوان المنفى بجميع درجات مزاجيته ومزاجيتك ..

عندما كنت صغيرة أمسكت بأمي وهي تبكي بعمق قالت لي حينها انه ألم في الرأس وخفتُ من هذه الآلام التي تصيبنا بدون سبب , والآن بعد خمسة عشر عاما أعرف أنها كانت تبكي الوطن .. مما سأخاف اليوم ؟ .. لا شيء .. ربما منك , لأني لا أجدك لا في الوطن ولافي المنفى , وعندما أفقد الأمل .. أتذكر أني أضعتك بين أوراقي , وجثث الأصوات المتراكمة خلف أوتاري ..

12-5-2010

2 Comments

  1. This is so beautiful,, it generates so many questions: what have you done to build our home country, what have we achieved to improve the country, what have we done to our selves to make them better, to our families to our friends,. OH, we have not done much so let us blame the country!

    • اي يمكن هيك هي بعض الاشيا


اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار وردبرس.كوم

أنت تعلق بإستخدام حساب WordPress.com. تسجيل خروج   /  تغيير )

Google+ photo

أنت تعلق بإستخدام حساب Google+. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s

%d مدونون معجبون بهذه: